.png)
رواية اغلي من الدهب الفصل الثالث 3 بقلم نشوه عادل
نقل عاصم حاجة دهب لغرفة تانية ....دهب عمو انت بتجيب حاجتى هنا ليه!
عاصم تغيير ي حبيبتى اوضتك الجديدة هخليها زى القديمة واحلى
دهب بس انا بحب اوضتى اوى ومتعودة عليها من زمان وبحب انام ع سريرى
عاصم هجيبلك كل حاجة هنا اوك اتفقنا
كانت هتعترض لكنها افتكرت كلام باباها انها لازم تسمع كلام الكبار حاضر ي عمو
عاصم اشطر كتكوتة
عدت سنة تقريبا وف يوم كانت دهب تعبانة اوى وحرارتها عالية والوقت متأخر وف شتا وعاصم مش موجود طلعت نعيمة ع غرفة سمية وخبطت عليها
سمية افندم!
نعيمة انا اسفة ي مدام بس دهب تعبانة اوى وحرارتها عالية اوى
سمية وانا مالى انا ما تتصرفى اومال انتى هنا ليه وبتاخدى فلوس عشان ايه
نعيمة طيب احنا ممكن نتصل بالدكتور يجى يشوفها
سمية ايه دكتور مين اللى هيجى لحضرتك الساعة ٣ الفجر
نعيمة عادى كان فيه دكتور استاذ عصام الله يرحمه يعرفه وكان بيجى
سمية انتى عارفة عشان دكتور يجى دلوقتى هياخد كام غير العلاج يلا امسى اعملى ليها اى زفت كمدات ومتصدعنيش
نزلت نعيمة بحزن وقالت حسبى الله ونعم الوكيل فيكى ي بعيدة بحق ذنب عيلة يتيمة زى دى
فضلت نعيمة جنب دهب بتعمل كمدات لكن الحرارة مش بتنزل والبنت بترتعش لحد الساعة ٦ سمعت صوت عاصم وصل خرجت بسرعة
نعيمة صباح الخير ي استاذ عاصم
عاصم صباح النور خير انتى مروحتيش من امبارح!
نعيمة لا أصل دهب تعبانة من الفجر وحرارتها مش بتنزل
عاصم پخوف وهو بيجرى ع اوضة دهب ازاى تسبيها كده ليه مقولتيش لسمية!
نعيمة قولتلها بس هى معملتش حاجة
عاصم طب ليه متصلتيش بالدكتور!
نعيمة فكرت والله بس المدام رفضت
شال عاصم دهب بسرعة وراح بيها ع المستشفى وكان دور حمى ونزلة معوية قوية وعلقوا ليها محاليل طلب عاصم من نعيمة تفضل معاها وروح عشان ينام شويه
سمية حمدالله ع السلامة ي حبيبى
عاصم يعنى البنت تتعب وحرارتها تعلى والدادة تطلع تقولك عشان تجيب ليها دكتور مترضيش البت كانت ھتموت
سمية الله انا كنت سهرانة مع فارس وتعبانة وبعدين انا تعبت بجد اشمعنا انا اللى اتحمل مسؤليتها
عاصم يعنى ايه!
سمية يعنى اشمعنا
---
انا ما اخواتك كل واحد ف بيته وعايش حياته ولا ع باله هو ومراته وانا بصراحة بقى معنديش طاقة احتمال
عاصم انتى عاوزة ايه بالظبط!
سمية يعنى وديها عند واحد من اخواتك تعيش معاه انا مش مضطرة استحملها اكتر من كده
عاصم اوديها لمين ! على سافر السعودية واستقر هناك ..عمران قالك انا عندى تلات بنات ومش حمل الرابعة عاوزانى اعمل ايه ارميها ف الشارع!
سمية لا طبعا ليه ف الشارع انت توديها دار ايتام احسن
عاصم پصدمة ايه! دار ايتام! انتى اتجننتى اكيد انتى عاوزة الناس تاكل وشى ويقولوا رمى بنت اخوه ف الملجأ بعد ما اخد ورثه
سمية ناس مين دول اللى بتتكلم عليهم دول ومن امتى وانت بتعمل اعتبار لكلام الناس بص بقى ي عاصم ي انا وابنك ي بنت اخوك ف البيت
عاصم انتى بتعملى كده ليه هتحرمينى من ابنى ازاى يعنى
سمية عادى يعنى متنساش انى لو اطلقت هيكون ف حضانتى انا
قعد عاصم بحزن ع الكرسى قربت منه بدلع وقالت ي حبيبى انت عارف انى مقدرش ابعد عنك ولا فارس بيستحمل غيابك بس انا عاوزة اعيش حياة طبيعية من غير دخيل ع حياتنا وبعدين ي حبيبى انت مش هتدخلها اى ملجأ والسلام اسأل ع احسن وانضف واحد وډخلها فيه
عاصم طب لما اقف بين ايد ربنا ويسألنى عصام عن الامانة اللى سابها ليا اقوله ايه !
سمية انت مقصرتش معاها ف حاجة بس مش مجبور تفضل شايل شيلة مش بتاعتك وكل واحد من اخواتك عايش رايق عشان خاطرى ي حبيبى بليز اتفقنا
عاصم باستسلام اتفقنا
شويه وجات نعيمة ومعاها دهب وكان عاصم فوق نايم
سمية استنى عندك انتى رايحة ع فين!
نعيمة داخلة انيم الست دهب ف اوضتها
شدتها سمية منها وقالت انا هدخلها اتفضلى انتى اطلعى برة
نعيمة يعنى ايه!
سمية زى ما سمعتى احنا خلاص مستغنيين عن خدماتك روحى شوفى اكل عيشك ف مكان تانى
نعيمة بحزن طب انا مأخدتش بقيت فلوسى
سمية ملكيش فلوس عندى مش كفاية انك كنتى بتاكلى وتشربى ببلاش
نعيمة ي شيخة حرام عليكى اتقى الله كل اللى بتعمليه
هيقعدلك
سمية انتى حيوانة امشى اطلعى برة ومشوفش وشك هنا تانى
نعيمة بعياط حسبى الله ونعم الوكيل فيكى ي بعيدة ربنا ينتقم منك بعدله
دهب بعياط دادة نعيمة استنى متمشيش
سمية وهى بتضغط ع ايدها اخرسى خالص ادخلى ع اوضتك يلا غورى
دخلت دهب جرى من خۏفها وهى بټعيط ف اوضتها ي بابا انت فين تعال خدنى من هنا الناس دول وحشين اوى تعال خدنى بليز
نزل عاصم ودخل ع اوضة دهب ولقاها بټعيط وايد سمية معلمة ع دراعها واول ما شافته جريت عليه وحضنته وهى بتشهق عمو عاصم مشى الست دى من هنا دى شريرة اوى انا بكرهها هى مش بتحبنى ومشت دادة نعيمة
عاصم بحنية اهدى ي حبيبتى انا هنا معاكى مټخافيش اهدى
فضل يطبطب عليها بحب ويملس ع شعرها لحد ما نامت نيمها ف السرير وخرج غير هدومه ومشى من غير ما يتكلم مع سمية ووووو..... يتبع
#اغلى_من_الدهب الثالث
#بقلم_نشوه_عادل
